“මන්දිර කැළඹූ අරගලය” කෘතිය ඊයේ කොළඹ මහවැලි කේන්ද්‍රයේදී ජනගත වුනා.
එය මුදල් ඇමතිවරයෙකු, අග්‍රාමාත්‍යවරයකු හා ජනාධිපතිවරයකු පලවා හරිමින් පසුගිය වසරේ මෙරට දියත් වූ මහජන අරගලය විග්‍රහ කරමින් පළවන තුන්වන ග්‍රන්ථය වනවා.
මීට පෙර භූපති නලින් වික්‍රමගේ විසින් “අප්‍රේල් නැගිටී ගැන අප්‍රේල් සටහන්” නම් කෘතියක්ද, හිටපු ඇමති විමල් වීරවංශ විසින් ” 9 සැඟවුන කතාව” නමින් කෘතියක්ද ජනගත කෙරුවා.
“මන්දිර කැළඹූ අරගලය” කෘතිය එලිදැක්වීමේ අවස්ථාවට වෘත්තීය සමිති නියෝජිතයන් ,සමාජ ක්‍රියාකාරීන්,සිවිල් සංවිධාන නියෝජිතයන්, පුජ්‍ය පක්ෂය, නිතිවේදින්, රංගන ශිල්පින් ඇතුලු විශාල පිරිසක් එක්ව සිටියා.
පෙරටුගාමී සමාජවාදී පක්ෂයේ ප්‍රකාශනයක් වන මෙම ග්‍රන්ථය එම පක්ෂයේ ප්‍රධාන ලේකම් කුමාර් ගුණරත්න විසින් ජනගත කරනු ලැබුවා.